தமிழகம் மற்றும் புதுவையில் இன்று மழைக்கு.......

தமிழகம் மற்றும் புதுவையில் இன்று மழைக்கு வாய்ப்பு!

https://tamil.samayam.com/latest-news/state-news/there-is-a-chance-for-rain-in-tamilnadu-and-puducherry/articleshow/66803526.cms 

 

வங்கக்கடலில் உருவான காற்றழுத்த தாழ்வுப் பகுதி மற்றும் வளிமண்டலத்தில் ஏற்பட்ட மேலடுக்கு சுழற்சி காரணமாக தமிழகம் மற்றும் புதுச்சேரியில் பரவலாக மழை பெய்தது. இந்த நிலையில் தமிழகம் மற்றும் புதுச்சேரியில் இன்று மழை பெய்ய வாய்ப்பு உள்ளதாக வானிலை ஆய்வு மையம் தெரிவித்துள்ளது.

இதுகுறித்து சென்னை மண்டல வானிலை ஆய்வு மைய அதிகாரி ஒருவர் கூறியதாவது:

வடகிழக்கு மற்றும் கிழக்கு திசையில் இருந்து வீசும் பருவ காற்றின் காரணமாக இன்று தமிழகம் மற்றும் புதுச்சேரியில் ஓரிரு இடங்களில் லேசான முதல் மிதமான மழை பெய்ய வாய்ப்பு உள்ளது.

சென்னை மற்றும் புறநகரை பொறுத்தமட்டில் வானம் பொதுவாக மேகமூட்டத்துடன் காணப்படும். மழை பெய்வதற்கான வாய்ப்பு மிகவும் குறைவு. தற்போதைய நிலவரப்படி குறைந்த காற்றழுத்த தாழ்வுப் பகுதி உருவாவதற்கான சாத்தியக்கூறுகளோ, புயலுக்கான அறிகுறியோ எதுவும் இல்லை. இவ்வாறு  அவர் தெரிவித்தார். 

கடந்த அக்டோபர் 1 முதல் நவம்பர் 25ம் தேதி வரையிலான வடகிழக்கு பருவமழை காலத்தில் தமிழகம், புதுச்சேரியில் வழக்கமாக 335 மி.மீ. மழை பெய்திருக்க வேண்டும். ஆனால், இதுவரை 303 மி.மீ. மழைதான் பெய்துள்ளது. இது வழக்கத்தைவிட 10 சதவீதம் குறைவு. அதே நேரத்தில் சென்னை உள்ளிட்ட 6 மாவட்டங்களில் 40 சதவீதத்துக்கு மேல் குறைவாக மழை பெய்துள்ளது.

அதே நேரத்தில், திருவாரூர் மாவட்டத்தில் வழக்கத்தைவிட 31 சதவீதம் (607 மி.மீ.) அதிகமாகவும், திருநெல்வேலி மாவட்டத்தில் 29 சதவீதம் (445 மி.மீ.) அதிகமாகவும் மழை பெய்துள்ளது குறிப்பிடத்தக்கது.